မေ့လို့မရသောဘဘဦးဝင်းတင်

ဘဘရဲ့ ကျားရဲ ကဗျာဟာ ရင်ထဲမှာ ထာဝရ ကိန်းနေလျက်ပါ.... ]
နေပြင်းရင် နှင်းမှုန်ရင်
ဆွေ့ဆွေ့ခုန် အိုက်လိုအိုက်
ခိုက်ခိုက်တုန် ချမ်းလိုချမ်း
အခန်းကျဉ်းကျဉ်း အလင်းမဝင် လေမဝင်
နေမမြင် လမမြင် လူမမြင် သူမမြင်မှာ
ထိုင်လျှင်ထိုင် မထိုင်လျှင်ငေး
အိပ်လျှင်အိပ် မအိပ်လျှင်တွေး
သတင်းမေးဖို့ဝေးရာ သီချင်းလေးမှ မဆိုရ
စာဖတ်ဖို့ဝေးရော ကဗျာလေးမှမစပ်ရ
တရားဟောဖို့ဝေးရော စကားလေးမှ မပြောရ
အဟောသိကံ သံသရာ ငါ့ကမ္ဘာ ပိစိကွေး
အခန်းကျဉ်းကလေး ပတ်လျှောက်လိုက်
သံတခါးဝ ရပ်လိုက် တမတ်တပ်တပ်နေကုန်...။
မနေ့ကလည်း တနေကုန်
ဒီနေ့လည်း တနေကုန်
မနက်ဖြန်လည်း ကုန်အုံးမယ်
ကုန်---ကုန်---ကုန် ကုန်ချင်သလောက် ကုန်စမ်း
တရက်ကုန်မလား တသက်ကုန်မလား
တလကုန်မလား တဘဝကုန်မလား
တနှစ်ကုန်မလား တခေတ်ကုန်မလား
အားမလျှော့ဘူး မပျော့ဘူး
ပေဖြစ်တော့ခံမယ် တူဖြစ်တော့နှံမယ်
အမှန်တရား တို့ဖက်မှာရှိတယ်
ပြည်သူအများ တို့ဖက်မှာရှိတယ်
ကာလယန္တရား တို့ဖက်မှာရှိတယ်
ရှင်တော်ဘုရား တို့ဖက်မှာရှိတယ် သိကြရဲ့လား...။
တိရိစ္ဆာန်ရုံက ကျားလို လှောင်အိမ်ထဲမှာ
တလွန့်လွန့်နဲု့ကျားညွန့်တုန်းမယ် ထင်နေသလား
မှားလိုက်တဲ့အမြင် ဟားတိုက်လို့ရီချင်စရာ....။
မှတ်ထားဟေ့ အဝါပေါ်မှာ အနက်စင်း
မပျက်မယွင်း ကွက်ကွက်ကွင်း
အရှင်းသား မလွဲသရွေ့
အထင်းသားစွဲသရွေ့ ကျားရဲဟာကျားရဲ
ငါလည်း ---အဲဒီလိုပဲကွ--ဟေ့...။
[ ဟံသာဝတီ ဦးဝင်းတင်၏ ထောင်တွင်းဖွဲ့ကဗျာတစ်ပုဒ်]
ကွယ်လွန်ခြင်း သုံးနှစ်ပြည်-့
လေးစားစွာဖြင့် -
ပြန်လည်ဝေမျှပါသည်။

မေတ္တာဟူသည်

မေတ္တာပါရမီ

မြင့်မြတ်သူတို့ရဲ့အလုပ်(၉)

  မေတ္တာဖြစ်ပုံ၊စနစ်ကုန်၊စုံစုံဘယ်သို့ပြောမည်နည်း။မိမိအပေါ်၊သူ-မတော်လည်း၊သူတော်မြတ်ဖျား၊လောင်းဘုရားတို့၊သူများပြစ် ပြစ်ဆာ၊မရှုပါဘဲ၊ကိုယ်သာသူ့ကျိုး၊ဆောင်သယ်ပိုး၊ရိုးရိုးမေတ္တာပွားသတည်း။“မေတ္တာဟူသည်သူတစ်ပါးတို့ကိုကြီးပွားစေလို၊ချမ်းသာစေလိုသောတည်း”ထို့ကြောင့်မြင့်မြတ်သောစိတ်ဓာတ်ရှိသူတို့သည်မိမိအပေါ်၌သူတစ်ပါးကမတော်တရားပြုထားစေကာမူထိုသူ၏အပြစ်အနာအဆာကို(လက်စားချေမည်)ဟုမရှုတော့ဘဲအကြောင်းကိစ္စပေါ်လာလျှင်ကိုယ်ကသာသူ့အကျိုးကိုဆောင် ရွက်ရလေသည်။(အရှင်ဇနကာဘိဝံသ-ရုပ်စုံဗုဒ္ဓ၀င်အမေးအဖြေ၊နှာ-၃၀)ဗာရာဏသီပြည်၊ဗြဟ္မဒတ်မင်းမှာအမတ်တစ်ယောက်ရှိ ပါတယ်။တစ်နေ့တော့အဲအမတ်ကိုမသင့်လျော်တဲ့အပြစ်တစ်ခုကိုကျူးလွန်တဲ့အတွက်မိသားစုနဲ့အတူတိုင်းပြည်ကနှင်ထုတ် လိုက်ပါတယ်။နှင်ထုတ်ခံလိုက်ရတဲ့အမတ်ကကောသလတိုင်းဒုဗ္ဘိသေနမင်းဆီသွားခစားပါတယ်။တဖြည်းဖြည်းနဲ့ဒုဗ္ဘိသေနမင်း  ရဲ့လူယုံဖြစ်လာတော့နာကြည်းချက်ဒဏ်ရာလေးကလည်းရှိထားတာဆိုတော့ဗာရာဏသီပြည်ကိုသိမ်းယူဖို့တိုက်တွန်းပါတယ်။  ဒုဗ္ဘိသေနမင်းလည်းအမတ်ရဲ့တိုက်တွန်းချက်အရဗာရာဏသီပြည်ကိုသွားပြီးသိမ်းပိုက်ပါတယ်။ပြီးတော့ဗာရာဏသီမင်းကိုဖမ်းပြီးနန်းတော်တံခါးခုံအထက်မှာတွဲလျားဇောက်ထိုးစွဲထားလိုက်ပါတယ်။ဗာရာဏသီမင်းဟာတရားနဲ့အညီမင်းလုပ်နေသလိုနေ့စဉ် ဒါန၊သီလ၊သမထတွေကိုလည်းပြုကျင့်ပွားများနေသူပါ။တရားဓာတ်ခံရှိထားတာဆိုတော့ဇောက်ထိုးအစွဲခံထားရလျက်ပဲ ဒုဗ္ဘိသေနမင်းကိုမေတ္တာပွားပါတယ်။မေတ္တာပွားတဲ့နေရာမှာသာမန်အဆင့်လောက်တင်မကဘဲဈာန်ဖြစ်တဲ့အထိပွားပါတယ်။ဈာန်အဆင့်ကိုရောက်သွားတဲ့အခါမှာတော့အနှောင်အဖွဲ့အားလုံးကလွတ်သွားပြီးကောင်းကင်မှာတပ္ပလင်ခွေထိုင်နေတော်မူပါတယ်။ဒီအချိန်မှာဒုဗ္ဘိသေနမင်းရဲ့ခန္ဓာကိုယ်ဟာပူလောင်ပြီးမြေပြင်မှာလူးလိမ့်နေရပါတယ်။မြေပြင်ပေါ်မှာလူးလိမ့်လျက်ပဲအမတ်တွေကိုသူဘာကြောင့်ဒီလိုဖြစ်ရတာလဲဆိုတာမေးပါတယ်။အမတ်တွေကလည်း“တရားစောင့်တဲ့မင်းကိုပြစ်မှားမိလို့ဖြစ်ရတာပါ”လို့    ပြန်လျှောက်ပြကြပါတယ်။အဖြစ်မှန်သိရတော့ချက်ချင်းပဲဗာရာဏသီမင်းကိုလွှတ်ဖို့စေခိုင်းပါတယ်။မင်းချင်းတွေသွားကြည့်တဲ့ အခါမှာဗာရာဏသီမင်းကလွတ်ရုံတင်မကဘဲကောင်းကင်မှာတောင်တပလ္လင်ခွေထိုင်နေပါပြီ၊ဒါကြောင့်ဒုဗ္ဘိသေနမင်းကိုပြန် လျှောက်ရပြန်ပါတယ်။ဒုဗ္ဘိသေနမင်းလည်းဗာရာဏသီမင်းရှိရာလာပြီးတောင်းပန်ကန်တော့ပါတယ်။နောက်ဆုံးတော့ဗာရာဏသီမင်းကဒုဗ္ဘိသေနမင်းကိုသူကျင့်ကြံခဲ့တဲ့တရားအကျင့်တွေပြောပြဟောပြပြီးတောထွက်ရသေ့ပြုသွားပါတယ်။သေလွန်တဲ့အခါမှာတော့ဗြဟ္မာပြည်ကိုရောက်သွားရါတော့တယ်။(ငါးရာ့ငါးဆယ်၊ဧကရာဇဇာတ်)တကယ်တမ်းလောကဓံဆိုးတစ်ခုကြုံလာတဲ့အခါကိုယ်ထုံပြီးကျင့်ခဲ့တဲ့တရားကသိပ်ပြီးအားကိုးရတာပါ။ကျင့်ပြီးကျင့်ဆဲနောက်ပိုင်းတွေမှာလည်းတရားကဆက်ဆက်စောင့် ရှောက်သွားတော့တာပါ။ဒါတင်မကပါဘူး။ကိုယ်ဆက်လျှောက်ရမယ့်ခရီးလမ်းဆီကိုလည်းဆက်ပြီးညွှန်ပြပေးပါတယ်။ဗာရာဏသီမင်းဟာမင်းအဖြစ်ကိုပြန်ရပေမယ့်ကိုယ်ဆက်လျှောက်ရမယ့်တရားလမ်းကြောင်းကိုတရားကညွှန်ပြပေးထားတာဆိုတော့မင်းအဖြစ်နဲ့တင်ရောင့်ရဲတင်းတိမ်မနေတော့ပါဘူး။တရားကညွှန်ပြထားတဲ့ကိုယ်တကယ်ဆက်လျှောက်ရမယ့်ပန်းတိုင်ဆီကိုပဲဆက်လျှောက်တော့တာပါ။တရားကိုတကယ်ကျင့်ရင်တရားကလူတွေကိုတကယ်ကူညီတာပါ။တရားအသိရင်ထဲရောက်သွားပြီဆိုရင် “ဒါကတော့လျှောက်သင့်တယ်၊ဒါကတော့မလျှောက်သင့်ဘူး၊ဒါတော့ပြောသင့်တယ်၊ဒါကတော့မပြောသင့်ဘူး၊ဒါကတော့လုပ် သင့်တယ်၊ဒါကတော့မလုပ်သင့်ဘူး”စသည်ဖြင့်အနီးကပ်ညွှန်ကြားပေးနေတော့တာပါ။တရားတွေအားထုတ်နေပေမယ့်တရား အသိရင်ထဲမရောက်သေးရင်အာရုံဆိုးတစ်ခုတွေ့တာနဲ့“၀ုန်း”ကနဲထပေါက်ကွဲတော့တာပါ။ကာယကံမြောက်၊၀စီကံမြောက်လည်းချက်ချင်းကျူးလွန်ဖြစ်သွားတော့တာပါ။သတိပြန်ဝင်လာတဲ့အခါမှာအားလုံးကကျူးလွန်ပြီးသားဖြစ်နေပါပြီ။အဲဒီအခါကျမှကိုယ့်ကိုယ်ကိုနောင်တရမဆုံးဖြစ်နေတော့တာပါ။ဘ၀တွေဖရိုဖရဲဖြစ်မသွားဖို့ကိုယ်နဲ့သပ္ပါယသင့်တဲ့တရားအကျင့်လေးတွေတော့ ကိုယ်စီရှိထားဖို့လိုပါတယ်။ဗာရာဏသီမင်းဟာဘုရားအလောင်းတော်ပါ။ဘုရားအလောင်းတော်ဟာမေတ္တာကိုပါရမီမြောက် အောင်ဖြည့်ကျင့်နေတာဆိုတော့ကိုယ့်ရဲ့မေတ္တာပါရမီကိုအပျက်မခံသလိုကြုံလာတဲ့လောကဓံကိုလည်းကိုယ်ဖြည့်ကျင့်နေတဲ့ မေတ္တာပါရမီနဲ့ပဲရင်ဆိုင်ရှင်းသွားတာပါ။မေတ္တာဆိုတဲ့ပါဠိရဲ့အနက်ကိုချစ်ခြင်းလို့အနက်ပြန်ကြပါတယ်။အချစ်ကသုံးမျိုးရှိပါတယ်။၁။ချစ်သူအချစ်ရယ်၊၂။မိသားစုအချစ်ရယ်၊၃။ပါရမီအချစ်ရယ်ပါ။ချစ်သူအချစ်ဆိုတာကမိန်းမယောက်ကျားအပြန်အလှန်ချစ်ကြတဲ့အချစ်ပါ။မိသားစုအချစ်ဆိုတာကမိဘနဲ့သားသမီး၊ညီနဲ့အစ်ကို၊မောင်နဲ့နှမစသည်တို့မိသားစုအိမ်သားအချင်းချင်းချစ်ကြတဲ့အချစ်ပါ။ပါရမီအချစ်ဆိုတာကတော့သူတစ်ပါးတို့ရဲ့အကျိုးဖြစ်ထွန်းမှုကိုလိုးလားတဲ့အချစ်ပါ။ပါဠိလိုပြောရင်တော့တဏှာပေမရယ်၊ဂေဟသိတပေမရယ်၊မေတ္တာပေမရယ်ပါ။မေတ္တာပါရမီမှာတော့နောက်ဆုံးအချစ်ဖြစ်တဲ့ပါရမီအချစ်ကိုယူရမှာပါ။ပါရမီအချစ်ဟာသူတစ်ပါးအကျိုးကိုငဲ့နေပါတယ်။မိမိအကျိုးကိုမငဲ့ပါဘူး။ကိုယ်ကသူ့ကိုပါရမီအချစ်နဲ့ချစ်ဖြစ်နေရင်သူကြီးပွားစေချင်တယ်၊ တိုးတက်စေချင်တယ်၊အောင်မြင်စေချင်တယ်၊အစစအရာရာအဆင်ပြေစေချင်တယ်၊သူဆီကဘာတုန့်ပြန်မှုမှမမျှော်လင့်ပါဘူး။ဒါ-ပါရမီအချစ်ရဲ့သဘောတွေပါ။အကြောင်းတစ်ခုခုကြောင့်သိခွင့်၊ခင်ခွင့်ရတဲ့အခါမှာကိုယ်ကလည်းသူ့ကိုပါရမီအချစ်နဲ့သူက လည်းကိုယ့်ကိုပါရမီအချစ်နဲ့ချစ်မယ်ဆိုရင်နှစ်ဦးစလုံးရဲ့ခင်မင်မှုဟာအစဉ်ခိုင်မြဲနေတော့မှာပါ။တစ်ဆင့်တက်ပြီးသူတရားထူးတရားမြတ်ရဖို့အတွက်လည်းကိုယ်ကကူညီမယ်။ကိုယ်တရားထူးတရားမြတ်ရဖို့အတွက်လည်းသူကကူညီနေမယ်ဆိုရင်ပါရမီအချစ်ကနိဗ္ဗာန်အထိတောင်ကျေးဇူးပြုနေတော့တာပါ။တစ်စုံတစ်ယောက်ကိုကိုယ်တကယ်ချစ်တယ်ဆိုရင်ပါရမီအချစ်နဲ့ချစ်ပြီးနိဗ္ဗာန် ရဲ့အထောက်အပံ့တွေအခါအားလျော်စွာဖန်တီးပေးနိုင်ရပါ့မယ်။ဒီလိုပါပဲ။သတ္တ၀ါအားလုံးအပေါ်မှာပါရမီအချစ်နဲ့ချစ်နိုင်ရမှာဖြစ်သလိုချစ်သူအချင်းချင်း၊မိသားစုအချင်းချင်းမှာလည်းပါရမီအချစ်ပါတဲ့အချစ်တွေတွဲတွဲနေပါမှအစဉ်အမြဲခိုင်မြဲနေမှာပါ။ချစ်သူ   အချင်းချင်းချစ်ကြတဲ့နေရာမှာတဏှာရာဂကိုအခြေခံတယ်ဆိုပေမယ့်သူကုသိုလ်ဖြစ်ဖို့ကိုယ်ကဖန်တီးပေးနေမယ်။ကိုယ်    ကုသိုလ်ဖြစ်ဖို့အတွက်သူကဖန်တီးပေးနေတယ်ဆိုရင်ချစ်သူနှစ်ယောက်အတွက်ရန်ဖြစ်တယ်၊မုန်းတယ်ဆိုတာတွေဟာအိပ်မက်ထဲမှာတောင်ရှာလို့ရတော့မှာမဟုတ်ပါတော့ပါဘူး။ပြီးတော့ကိုယ်ရဲ့ဘ၀လေးဟာငြိမ်းငြိမ်းချမ်းချမ်းလေးရှိနေရုံတင်မကဘဲတရားထူးတရားမြတ်ရဖို့အတွက်လည်းအထောက်အပံ့တွေဖြစ်နေတော့မှာပါ။အဆင်မပြေဖြစ်ကြတယ်ဆိုတာတဏှာပေမအချစ် လောက်နဲ့ပဲချစ်နေကြလို့ပါ။ပါရမီအချစ်မပါကြလို့ပါ။ဒီသဘောလေးကိုအာရုံပြုပြီးအစဉ်သဖြင့်ခိုင်မြဲနေဖို့ပါရမီအချစ်လေးတွေပါတွဲပေးရပါတယ်။တချို့မိသားစုအတွင်းမှာအဆင်မပြေဖြစ်ကြတယ်ဆိုတာကလည်းပါရမီအချစ်မပါကြလို့ပါ။ကိုယ့်မှာပါရမီအချစ်သာရှိနေရင်တစ်ဖက်ကမသိလို့မှားတဲ့အမူအရာကိုပြဦးတော့သူ့ကိုကိုယ်ကဒေါသမထွက်ဘဲ“သြော်…သူမသိလို့ဘဲလေ”ဆိုပြီး ခွင့်လွှတ်ပြီးသားဖြစ်နေတတ်ပါတယ်။ပြီးတော့ဖြစ်ပေါ်လာတဲ့ပြသနာကိုတရားသဘောလေးနဲ့ဖြေရှင်းတတ်သလိုအမှားပြုသူတစ်ဖက်သားကိုလည်းတရားနဲ့ပြန်ဖေးမတတ်ပါတယ်။ပြသနာတစ်ခုဖြစ်လာပြီဆိုရင်ကိုယ်ဖတ်ခဲ့၊နာခဲ့၊ကျင့်ခဲ့တဲ့တရားသဘောနဲ့ပြန်ဖြေရှင်းရပါတယ်။တကယ်လို့မတရားတဲ့သဘောနဲ့ပြန်ဖြေရှင်းလိုက်ရင်မတရားတဲ့ဆိုးကျိုးတွေပဲပြန်ဖြစ်တော့တာပါ။တစ်ချို့   မတရားတဲ့တုံ့ပြန်မှုတွေဟာတစ်ဖက်သားမှာတစ်သက်တာစိတ်ဒဏ်ရာရသွားစေတာပါ။တစ်သက်တာရသွားတဲ့စိတ်ဒဏ်ရာကို ပြန်ကုဖို့ခက်သွားပါပြီ။ဘ၀ဆိုတာအမြဲအဆင်ပြေမနေနိုင်ပါဘူး။တစ်ချိန်ချိန်ကာလတစ်ခုခုမှာကြီးမားတဲ့အဆင်မပြေမှုကြီးတွေ ဖြစ်လာနိုင်ပါတယ်။အဲဒီအခါမျိုးမှာကိုယ်ပါရမီအချစ်နဲ့ချစ်ခဲ့ရသူတွေကကိုယ့်အနားကိုပြေးလာကြမှာပါ။ဘ၀မှာကိုယ်ကပါရမီ အချစ်နဲ့ချစ်ခဲ့ရသူမရှိခဲ့ဘူး။ကိုယ့်ကြောင့်စိတ်ဒဏ်ရာရစေခဲ့သူတွေပဲရှိတယ်ဆိုရင်ဘယ်လိုလုပ်မလဲ။အဲဒီအဆင်မပြေမှုတွေနဲ့ပဲ သေသွားမယ်ဆိုရင်တရားလည်းမကပ်လိုက်နိုင်ရင်မကောင်းတဲ့ဂတိတစ်ခုခုကိုရောက်သွားနိုင်ပါတယ်။ပုထုဇဉ်တွေရဲ့သဘောကကိုယ့်ရဲ့အမှားကိုကိုယ်ပြန်မြင်ခဲကြပါတယ်။အဲဒီအခါမျိုးမှာကိုယ့်ကိုပါရမီအချစ်နဲ့ချစ်သူ၊ဒါမှမဟုတ်မိတ်ကောင်းဆွေကောင်းတစ်ဦးဦးကကိုယ့်အမှားကိုမြင်ပြီးပြုပြင်ပေးတဲ့အခါပြုပြင်ပေးတဲ့အတိုင်းလက်ခံကျင့်သုံးရပါတယ်။မိတ်ဆွေကောင်းတွေဥပေက္ခာ ပြုသွားအောင်ပြုပြင်ဖေးမမှုကိ်ုမျက်ကွယ်မပြုရပါဘူးအလေးအနက်ထားကျင့်သုံးပေးရပါတယ်။ဒီတော့ပါရမီအချစ်ဆိုတာ လူတိုင်းလူတိုင်းအတွက်လိုအပ်နေတော့တာပါ။မေတ္တာဆိုတာကိုယ်ချစ်တဲ့သူတွေကိုထိုင်ပြီးပွားနေတာနဲ့တင်မလုံလောက်သေးပါဘူး။ထိုင်ပြီးပွားတာကပွားမေတ္တာပါကံအနေနဲ့ပြောရင်မနောကံမေတ္တာပါ။ပွားမေတ္တာနဲ့အတူထားမေတ္တာကိုလည်းကျင့်သုံးနိုင်ရပါမယ်။သူတစ်ပါးအကျိုးရှိစေမယ့်စကားလေးတွေပြောပြပေးတာ၊သူတစ်ပါးအကျိုးရှိစေမယ့်အလုပ်ကလေးတွေပြုလုပ်ပေးတာ တွေပါ။ကံအနေနဲ့ပြောရင်တော့ဝစီကံမေတ္တာနဲ့ကာယကံမေတ္တာပါ။ဘယ်လိုစကားမျိုးပဲပြောရပြောရမေတ္တာနဲ့ပဲပြောပေးတာ၊ ဘယ်လိုအလုပ်မျိုးပဲလုပ်ပေးရ၊လုပ်ပေးရမေတ္တာနဲ့လုပ်ပေးတာ၊မြန်မာလိုပြောရင်သူတစ်ပါးအကျိုးငဲ့ငဲ့ပြီးပြောပေးတာ၊သူတစ်ပါးအကျိုးငဲ့ငဲ့ပြီးလုပ်ပေးတာတွေပါ။ဒါတွေဟာထားမေတ္တာတွေပါပဲ။တစ်နေ့တစ်နေ့လူမျိုးစုံနဲု့ဆက်ဆံနေကြရတာဆိုတော့ကိုယ်ကမေတ္တာပါပါလေးသာပြောဆိုပြုမူပေးရင်သူတစ်ဖက်သားမှာအဆင်ပြေပြီးစိတ်တွေချမ်းသာသွားတာပါသူတင်လားဆိုတော့ကိုယ်လည်းထပ်တူစိတ်ချမ်းသာရပြန်တာပါ။ကိုယ်ကျိုးကိုငဲ့ထားရင်စကားပြောရတာကအစပေါ့ပေါ့ပါးပါးမရှိတော့ပါဘူး။ဘာဖြစ်လို့လဲဆိုတော့စကားပြောတဲ့အခါတိုင်း“ငါ့အတွက်”ဆိုတာကြီးကရင်ထဲမှာရှိနေတာဆိုတော့ပြောရတာမလွတ်လပ်တော့ပါဘူး။       တကယ်တော့ဒါတွေဟာဘာမှမခက်ပါဘူး။အိပ်ရာထကိုယ်လက်သန့်စင်ပြီးတာနဲ့“ငါဒီနေ့ဘယ်သူနဲ့တွေ့တွေ့မေတ္တာပါတဲ့စကားလေးတွေပဲပြောပေးမယ်၊မေတ္တာပါတဲ့အလုပ်ကလေးတွေပဲလုပ်ပေးမယ်”လို့စိတ်ထဲကသုံးကြိမ်လောက်အဓိဠာန်ထားလိုက်ရင်လူတစ်ယောက်နဲ့ဆက်ဆံလိုက်ရတာနဲ့မေတ္တာဆိုတာလေးကိုပြေးသတိရတော့တာပါ။တစ်လလောက်လေ့ကျင့်ပြီးကျင့်သုံးကြည့်လိုက်ရင်နောက်ပိုင်းဆက်ဆံမှုတွေဟာမေတ္တာပါပြီးသားဖြစ်နေတော့မှာပါ။တစ်ခုတော့ရှိပါတယ်။ပုထုဇဉ်တွေဆိုတော့ကိုယ့်ရဲ့ စိတ်ဟာအမြဲတမ်းတော့ဖြူဖွေးသန့်စင်မနေနိုင်ပါဘူး။တစ်ခါတလေအာရုံဆိုးတစ်ခုခုကြောင့်ညစ်ထေးသွားတတ်တာမျိုးလည်းရှိပါတယ်။အဲဒီလိုအခါမျိုးမှာ“ငါကမေတ္တာပါရမီဖြည့်ကျင့်ချင်သူ၊ငါကမေတ္တာပါရမီဖြည့်ကျင့်ချင်သူ”လို့ဆက်ကာဆက်ကာလေးဆင်ခြင်ပေးလိုက်ရင်ပါရမီဓာတ်တွေရင်ထဲကိုပြန်ရောက်လာတာများပါတယ်။အဖွဲ့အစည်းတစ်ခုတည်ထောင်ပြီးလို့အထိုက် အလျှောက်အောင်မြင်လာတဲ့အခါကွဲသွားတတ်ကြပါတယ်။အဖြေရှာကြည့်ရင်မေတ္တာမပါလို့ပါ။ကိုယ့်ရဲ့လုပ်ဖော်ကိုင်ဖက်အချင်းချင်းအပေါ်ကာယကံမေတ္တာ၊၀စီကံမေတ္တာ၊မနောကံမေတ္တာဆိုတဲ့မေတ္တာသုံးပါးသာအစဉ်သဖြင့်ထားနေရင်ကွဲစရာအကြောင်းမရှိတော့ပါဘူး။““သူကမေတ္တာမထားပေမယ့်ကိုယ်ကမေတ္တာထားနေရင်၊ကိုယ်ကမေတ္တာမထားနိုင်ပေမယ့်သူကမေတ္တာထားနေ ရင်လည်းမကွဲပါဘူး။””နှစ်ဦးစလုံးကိုကမေတ္တာမပါတဲ့အတွက်ကွဲသွားကြတာပါ။ဒီတော့ဘယ်သူ့ဘယ်သူ့ကိုမှအပြစ်တင်နေစရာမလိုတော့ပဲနှစ်ဦးနှစ်ဖက်စလုံးမှာကိုတာဝန်ရှိနေပါတယ်။အဖွဲ့အစည်းသေးသေးကနေအဖွဲ့အစည်းအကြီးကြီးအထိမေတ္တာပါရမီ တွေပါနေဖို့သိပ်အရေးကြီးပါတယ်။မေတ္တာမပါရင်တစ်နေ့ကွဲမှာပါ။““နိုင်ငံတစ်ခုတိုးတက်ဖို့အတွက်ပါရမီအချစ်တွေများများလိုပါ တယ်။ကိုယ့်နိုင်ငံကိုတကယ်ချစ်တယ်၊တကယ်တိုးတက်စေချင်တယ်ဆိုရင်ပါရမီအချစ်နဲ့ချစ်နိုင်အောင်ကြိုးစားရပါမယ်”။“ပါရမီအချစ်တွေရှ်ိနေတဲ့နိုင်ငံဟာသိပ်ပြီးငြိမ်းချမ်းနေပါတယ်။ပါရမီအချစ်မရှိတဲ့နိုင်ငံတွေမှာတိုက်ကြခိုက်ကြနဲ့အမြဲထိတ်လန့်နေကြရတာပါ။ဒါကြောင့်လောကကြီးငြိမ်းချမ်းဖို့အတွက်ပါရမီအချစ်တွေအများကြီးလိုအပ်ပါတယ်။ပါရမီအချစ်ရဲ့သဘောကသူတစ်ပါး အကျိုးကိုငဲ့ပါတယ်။မိမိအကျိုးကိုလုံးဝမငဲ့ပါဘူး။ကိုယ်ကအခြေခံသဘောလေးကိုအာရုံပြုထားနိုင်ရပါမယ်။ဒီတော့ပါရမီအချစ်နဲ့ ချစ်နိုင်ဖို့အသက်ရှင်နေသူတစ်ဦးချင်းစီမှာကိုတာဝန်ရှိပါတယ်။“အားလုံးအားလုံးဟာပါရမီအချစ်တွေနဲ့သာချစ်နေကြမယ်ဆိုရင် ရုပ်ဝထ္ထုတွေအလျင်အမြန်မတိုးတက်ဦးတော့စိတ်ပိုင်းဆိုင်ရာတော့အစဉ်သဖြင့်ငြိမ်းအေးနေမှာပါ။အဲဒီငြိမ်းအေးမှုကိုအခြေခံပြီး ၀ိပဿနာဘက်ကိုကူးလိုက်ရင်တကယ့်ပန်းတိုင်အစစ်ရဲ့လမ်းကြောင်းပေါ်ကိုတန်းကနဲရောက်သွားတော့တာပါ။”သတ္တ၀ါ အားလုံးပါရမီအချစ်တွေနဲ့ပဲချစ်နေနိုင်ဖို့ဆိုတာတော့မဖြစ်နိုင်ပါဘူး။“ဒါပေမယ့်မဖြစ်နိုင်သူတွေကြားမှာချစ်တဲ့စာဖတ်သူတစ် ယောက်ကတော့ဖြစ်နိုင်သူတစ်ယောက်ဖြစ်နိုင်အောင်ကြိုးစားရပါမယ်။”ပါရမီအချစ်နဲ့မချစ်ဖူးသေးလို့သာတခြားအာရုံတွေကို စိတ်ညွတ်နေကြတာပါ။“ပါရမီအချစ်ကိုချစ်ဖူးပြီးသွားရင်ကုန်ခဲ့သမျှအချိန်တွေကိုတောင်ပြန်နောင်တရနေတော့မှာပါ။” ““ပုထုဇဉ် တွေဆိုတော့လည်းကိလေသာလေးတွေကရှိနေသေးတာဆိုတော့အမြဲတမ်းပါရမီအချစ်နဲ့ချစ်နေနိုင်ဖို့ဆိုတာကတော့မလွယ်ပါဘူး။ပါရမီအချစ်နဲ့နီးလိုက်ဝေးလိုက်တော့ဖြစ်နေမှာပါ။ဒါပေမယ့်ကိုယ်ကအဲဒီနီးနေတဲ့သဘောလေးဝေးနေတဲ့သဘောလေးကို သတိနဲ့ပြန်သိနေဖို့ပါပဲ။””၊“ဘာပဲပြောပြောတွေ့ကြဆုံကြအခိုက်လေးမှာအပြန်အလှန်ကိုယ်စီပါရမီအချစ်ကလေးတွေနဲ့ချစ်နေဖို့ပါပဲလေ။”                                                                          

ကျမ်းကိုး  

၁။ မဟာဗုဒ္ဓ၀င်ပထမတွဲ၊ပထမပိုင်း။(တိပဋိကမင်းကွန်းဆရာတော်ဘုရား)၊

၂။ပါရမီတော်။(တိပဋိကအရှင်သုမင်္ဂလာလင်္ကာရ)။

၃။ ဗုဒ္ဓ(သို့မဟုတ်)လောကသားတို့ရဲ့အနှိုင်းမဲ့ကျေးဇူးရှင်။(ဆရာကြီးဦးရွှေအောင်)

(ရုပ်ရှင်တေးကဗျာမဂ္ဂဇင်း-စက်တင်ဘာ၊၂၀၀၇။)

မှတ်ချက်။   ။ဤစာစဉ်ကို“ဆရာတော်ရဝေနွယ်(အင်းမ)”၏ “မြင့်မြတ်သူတို့ရဲ့အလုပ်”စာအုပ်မှ“မြင့်မြတ်သူတို့ရဲ့အလုပ်(၉)-

မေတ္တာပါရမီ”မှထုတ်နှုတ်မျှဝေကူးယူပူးဇော်ပါသည်။

2 comments

နောက်တခေတ်အတွက်တဘောင်

ယောအတွင်းဝန် ဦးဖိုးလှိုင် ရေးသားခဲ့သော တဘောင်
သာသနာတစ်ဝက် ခရီးမှာဖြင့်
ကနက်ထီးတွေနှင့် ပျက်ဆီးဖို့အရေးကြုံ
ရွှေပေးမယ် မယုံ ငွေပေးမယ် မယုံ
နယ်အကုန်ပျက်မည့်အရေး ပြန်စလို့တွေး ။
တံတားတွေ အလျှင်ဆောက်လို့
ဘုရားတွေ ရွှေရင်မောက်ရင်ဖြင့်
ပြည်တော်ပြန်မယ်ထွေးကို နန်းတင်မှအေး။
တပင်တိုင်ခဝါ ချပြီမို့
နာကြတဲ့ အသီးတွေ တွန့်ခေါက်လို့ကြွေ
အသီးတွေရာသီပြောင်း သာသနာမောင်းရှေ့ကဆော်
ဒေါင်းတွေက အော် ။
ဒေါင်းအော်ရင် သူလာလိမ့်မည်လေး
ခြသေ့င်္မင်းတန်ခိုးကြွယ် တိုး၍ပျက်ဦးမယ်
ဂူအောင်းတဲ့ ခင်ကြီးပျော်တို့ရယ်
သမီးတော်လွှတ်လိုက်ကြဦး
ဇာမဏီ ကြက်မ သူတွန်လျှင်
ဇမ္ဗူတစ်ခွင် လင်းလို့မဆုံး ။