ကျေးဇူးတရားသိကြပါစေ

ကျေးဇူး တင်တတ်ပါစေ . .
 

သင့် တစ်သက်တာလုံးမှာ သင့်ရဲ့
တစ်ခုတည်းသော ဘုရားရှိခိုးဟာ
ကျေးဇူးတင်ပါတယ် ဆိုတဲ့
ဘုရားရှိခိုးဖြစ်ရင်
အဲဒါဟာ လုံလောက်ပါပြီ။

ကျေးဇူးတင်နိုင်တဲ့ စိတ်ဟာ
ချမ်းသာတဲ့စိတ် ဖြစ်ပါတယ်။
ကျေးဇူး မတင်နိုင်တဲ့ စိတ်ဟာ
ဆင်းရဲတဲ့စိတ် မွဲတဲ့စိတ် ဖြစ်ပါတယ်။

ကျေးဇူး မသိတတ်တဲ့ သူဟာ
ဉာဏ် ပညာ ကြီးတဲ့သူ မဖြစ်နိုင်ဘူး။
လေးနက်တဲ့ အသိဥာဏ် ရှိတဲ့သူ
မဖြစ်နိုင်ဘူး။
စိတ်ချမ်းသာတဲ့သူ မဖြစ်န်ိုင်ဘူး။

ကျေးဇူး မတင်တတ်တဲ့လူရဲ့
ဘဝဟာ အဓိပ္ပါယ်မရှိဘူး။
ကျေးဇူးကို မသိတတ်ရင် အဲဒီလူဟာ
“လူတောင် မပီသဘူး” လို့ပြောရမှာနော်။
ကျေးဇူးကို မသိတဲ့သူဟာ
အဆင့်အတန်းနိမ့်တဲ့သူပဲ။

ကျေးဇူးတင်တဲ့စိတ်ဟာ
အင်မတန်လှပတဲ့ စိတ်ဖြစ်တယ်။
အဆင့်အတန်း မြင့်တဲ့စိတ်ဖြစ်ပါတယ်။

ကျေးဇူး တင်တတ်တဲ့ စိတ်ဟာ
သုခဘုံကြီးပါ။
ကျေးဇူးတင်တတ်တဲ့စိတ်က
သုခဘုံကြီးနဲ့တူနေတယ်။
အင်မတန်ချမ်းသာတဲ့စိတ် ဖြစ်တယ်။

ဒါကြောင့် ကျေးဇူးကို
ရှာပြီးတော့ တင်တတ်ဖို့လိုပါတယ်။
အမှန်တော့ တစ်ဦးအပေါ်တစ်ဦး
တိုက်ရိုက်ဖြစ်စေ ၊
သွယ်ဝိုက်ပြီးတော့ဖြစ်စေ
တစ်ဦးကျေးဇူး
တစ်ဦးမှာ ဆိုတာ ရှိနေပါတယ်။
ရှိနေတာကို မြင်အောင်
ကြည့်တတ်ဖို့ လိုတယ်။

တစ်ချို့ကျေးဇူးတွေက
အင်မတန်သိမ့်မွေ့လို့
တော်တော်နဲ့ မမြင်နိုင်ဘူး။
အင်မတန် သဘောထား ကြီးကြီးနဲ့
ဉာဏ်ကြီးကြီးနဲ့ ကြည့်မှ မြင်နိုင်တယ်။

ကြည့်တတ်ရင်
ရန်သူတောင်မှ ကျေးဇူးရှိတယ်။
သူ့ကြောင့် ကိုယ့်မှာအများကြီး
ရင့်ကျက်လာတယ်။
တိုးတက်လာတယ်။
ခံနိုင်ရည် ပိုရှိလာတယ်နော်။

အခက်အခဲတွေ ဒုက္ခတွေဟာ ကိုယ့်ကို
ရင့်ကျက်လာအောင် လုပ်ပေးတယ်။
ကိုယ့်ကို အပြစ်တင်တဲ့ ၊
ဝေဖန်တဲ့ လူကအစ
အမှန်တော့ ကျေးဇူးရှင်ပါပဲ။
အကူအညီပေးတဲ့သူ ဆိုရင်တော့
အထူးပြောဖွယ်မရှိဘူး။
အင်မတန် ကျေးဇူးကြီးပါတယ်။

တိုက်ရိုက်ဖြစ်ချင် ဖြစ်မယ် ၊
သွယ်ဝိုက်တဲ့ နည်းနဲ့ ဖြစ်ချင်ဖြစ်မယ်။
အားလုံးဟာ ကျေးဇူးရှင်တွေပဲ။
အကယ်၍ ဒီကမ္ဘာမှာ
လူတစ်ယောက်မှ မရှိရင်
ကိုယ့်လောက ဘယ်လိုနေမယ် ထင်တုံး။
တော်တော် အဓိပ္ပါယ်မဲ့သွားလိမ့်မယ်။
အဲဒီ Meaning ကို ကိုယ်က တွေ့ဖို့လိုတာ။
ကိုယ်ကမြင်အောင် ကြည့်တတ်ဖို့လိုတယ်။

အဲဒီလိုကြည့်တတ်ဖို့ဆိုတာ
ကိုယ့်စိတ်က နူးညံ့မှု ၊အေးချမ်းမှုရှိဖို့ ၊
Sensitive ဖြစ်ဖို့ တော်တော် အရေးကြီးပါတယ်။
စိတ်တွေ အမြဲရှုပ်ထွေးနေတဲ့သူဟာ
ဘာMeaning၊ ဘာ အဓိပ္ပါယ်မှမမြင်ရဘူး။
ဘယ်သူ့ကိုမှ ကျေးဇူး မတင်တတ်တော့ဘူး။

အတ္တစွဲကြီးတဲ့သူ ၊ မာနကြီးတဲ့သူဟာ
ကျေးဇူးကို အသိအမှတ် မပြုချင်ဘူး။
ကျေးဇူးကို အသိအမှတ်ပြုရတာကိုပဲ
သူ့မှာ နိမ့်ကျသွားတယ်လို့ ခံစားရတယ်။
ဒါကြောင့် ကျေးဇူးကို
ချေဖျက်တဲ့စကားမျိုးပြောတဲ့အခါ
အဲဒီစိတ် အဲဒီ သဘောထားကို
သေသေချာချာ မြင်အောင်ကြည့်ပါ။

မကြည့်ရင် အဲဒီစိတ်ကပဲ
မိမိရဲ့မြင့်မြတ်မှုကို
တားဆီးမယ်၊ဖျက်ဆီးမယ်၊
မိတ်ဆွေကောင်း မရှိအောင်လုပ်မယ်။